CUMPREANOS DE DAVID O GNOMO

Hxe cumpre 25 anos esta serie de debuxos animados de orixe español. Conta as aventuras do bosque do gnomo David e a súa familia, cun importante transfondo educativo en temas como ecoloxía, amizade e xustiza.

SAÚDE BUCO-DENTAL

O pasado luns, o alumnado de 1º tivo unha charla de saúde buco-dental organizada polo Concello de Narón. Nesta charla ensinaronlles ós alumnos/as a cepillar ben os dentes e a importancia dunha correcta saúde buco-dental. Foron obsequiados cun cepillo e unha pasta de dentes.

MOCHILA VIAXEIRA

Despois dun pequeno descanso, hoxe comezou a nova andaina da mochila viaxeira, na que nesta ocasión, a familia desempeña o papel fundamental. Dentro encontraredes un novo elemento: O DIARIO DA MOCHILA VIAXEIRA, no cal tedes as instruccións de uso desta mochila. Agardamos impacientes as vosas opinións. Moitísimas grazas.

EXIPCIOS NO FEAL

Este ano os exipcios "invadiron" a festa de disfrazes do CPI do Feal. Na foto vedes ao alumnado de 1º.

EXIPTO NA WEB

Propoñémosvos uns enlaces coa temática que estamos a traballar. Os dous primeiros son páxinas de xogos e os outros son algo máis educativos.Tamén recomendamos o xogo " PIPO EN EXIPTO", pero é recomendable merca-lo xogo orixinal.



http://www.juegosjuegos.com/jugar-juego/Pyramics.html
http://www.parchis.com/juego/laberinto_egipcio.html
http://www.dibujos-para-ninos.com/dibujo-egipto.html
http://www.egipto.com/egipto_para_nino/index.html
http://www.egiptologia.com/egipto-para-ninos/

O ALUMNADO TRABALLANDO

Como podedes ver o alumnado de 1º está a traballar co material aportado polas familias. A imaxe non é moi boa, pero é un pouco dificil fotografiar aos nenos quietos nun ambiente relaxado e distendido. O importante é que aprenden por eles mesmos coa mínima intervención do mestre/a.

DÍA DA PAZ

O pasado venres os nenos e nenas do Feal estivemos a celebra-lo Día da Paz. Os de 1º de primaria limos o libro "¿Qué es la paz?" e estivemos a decorar a fermosa árbore que vedes na foto. Que a Paz dure todo o ano.