VISITAMOS A COOPERATIVA DO VAL

Esta mañá visitamos a Cooperativa do Val: a agrotenda, a sección de maquinaria, o supermercado, o almacén, vimos as máquinas de empaquetado... e despois convidáronnos a zume e colacao. A verdade é que foron moi "salados".

MÚSICA, MAESTRO!

Esta semana está resultando moi especial. O luns visitáronnos as nenas e nenos do cole de Domirón. Hoxe veu ao Feal a Banda do Tercio Norte (con directora de orquesta incluida!). E mañá iremos visitar a Cooperativa do Val. E que... non damos feito!!!

PLANTANDO LEITUGAS

Despois de preparar onte o noso espazo no invernadoiro, hoxe estivemos a plantar unhas leitugas. Esperemos ter boa colleita e que pronto poidades facer unha deliciosa ensalada.

23 de abril - DÍA DO LIBRO

Pincha na imaxe

TRABALLANDO NO INVERNADOIRO

Aproveitando o tema das plantas, os nenos/as de 1º dividíronse en equipos e nos puxemos a traballar no invernadoiro de xeito cooperativo. Hoxe estivemos a preparar a terra, onde mañá plantaremos leitugas.

DÍA DA TERRA

Hoxe 22 de abril celébrase o Día da Terra con motivo de crear unha conciencia común aos problemas da contaminación, a conservación da biodiversidade e outras preocupacións ambientais.

NUN LUGAR DA MANCHA....

Para empezar a celebrar o día do Libro, hoxe estivemos a ver 2 capítulos da serie de debuxos animados de Don Quixote. Son unhos debuxos diferentes aos de hoxe en día, é por iso que pensamos que non foi moito do seu agrado, esperemos que ao longo da súa vida sexan capaces de afronta-la lectura do libro.

ADENTRÁMONOS NO MUNDO DAS PLANTAS

Que mellor que a chegada da primavera para coñecermos un pouco mellor o marabilloso mundo das plantas! Xa estivemos a ver a curtametraxe "A flor máis grande do mundo" e son moitos os libros e contos que nos poden ensinar un montón de cousas sobre as plantas e o coidado da natureza. Aí van algúns exemplos:

ESCOLA DE PAIS E NAIS NA RADIO

A Asociación de Pedagogos de Galicia (Apega) e Radio Voz abrirán este luns unha escola de pais e nais que permitirá aos oíntes plantexar dubidas respecto a educación de nenos e adolescentes.

Cada luns, ás 17 horas, os profesionais de APEGA participarán neste espazo, que se inclúe no programa La tarde es tuya, que presenta Susana Falcón; no 105.4 da FM.

OS NOSOS BONECOS QUITAPENAS

Xa estamos preparados e preparadas para afrontar tódalas nosas preocupacións,

e todo grazas aos nosos bonecos quitapenas.

Quedáronnos moi chulos!

OS BONECOS QUITAPESARES

Hoxe confeccionamos os nosos bonecos quitapesares: Agardamos que vos sexan de axuda e os teñades moi perto, debaixo das vosas almofadas. Aí vai unha canción dedicada exclusivamente a eles, aos "Muñecos quitapenas"

RAMÓN PREOCUPÓN

Mañá realizaremos unha actividade baseada neste libro que conta unha historia con tradicións de Centro e Suudamérica. Aproveitando o bo tempo, intentaremos que sexa ao aire libre, polo que aconsellamos que traian gorra para protexerse do Sol.

Mi hermanito de la luna: el autismo contado por una niña

O 2 de abril celébrase o Día Mundial de concienciación sobre o autismo.
O autismo é unha síndrome que afecta á comunicación e ás relacións sociais e afectivas do individuo. Como di a súa definición, o autismo é unha síndrome, non é unha enfermidade e , polo tanto, non existe cura.
Deixámosvos o enlace da Fundación Orange para que poidades disfrutar deste curto de animación.