Xa estamos metidos en materia. Sí, comezamos a ler uns libros fantásticos e así conseguir puntos por equipos para o noso cartel das Pistiñas. Hai que estar ben atentos, pois non sempre é tan doado como parece.
Achegámonos ao final do curso con moita enerxía para abordar "O xogo das pistiñas", promovido pola biblioteca do cole. Xa temos os 5 equipos formados e preparados para atiborrarse de libros.
O alumnado de 1º participou no intercentros cos murais que podedes ver nas fotos. Os dous están referidos a obras infantís de Uxío Novoneyra ao cal se lle adica o día das letras galegas neste ano. Os nosos traballos están expostos no Pazo da Cultura de Narón.
Onte fumos invitados polo Concello de Narón a visitar a biblioteca municipal. Alí ensináronnos as instalacións, léronnos un conto e deixáronnos un rato para ollar os libros que alí había.